Psalmer: 4, 14, 15 23, 26, 29 Sabbato Sancto IN PRIMO NOCTURNO Antifon (Ps. 4:9) In pace in idipsum dormiam et requiescam. Psalm 4 Cum invocarem 4:2 cum invocarem exaudivit me Deus iustitiae meae in tribulatione dilatasti mihi miserere mei et exaudi orationem meam 4:3 filii hominum usquequo gravi corde ut quid diligitis vanitatem et quaeritis mendacium diapsalma 4:4 et scitote quoniam mirificavit Dominus sanctum suum Dominus exaudiet me cum clamavero ad eum 4:5 irascimini et nolite peccare quae dicitis in cordibus vestris in cubilibus vestris conpungimini diapsalma 4:6 sacrificate sacrificium iustitiae et sperate in Domino multi dicunt quis ostendet nobis bona 4:7 signatum est super nos lumen vultus tui Domine dedisti laetitiam in corde meo 4:8 a fructu frumenti et vini et olei sui multiplicati sunt 4:9 in pace in id ipsum dormiam et requiescam 4:10 quoniam tu Domine singulariter in spe constituisti me Antifon (Ps. 14:1) Habitabit in tabernaculo tuo, requiescet in monte sancto tuo. Psalm 14 Domine quis habitabit 14:1 psalmus David Domine quis habitabit in tabernaculo tuo aut quis requiescet in monte sancto tuo 14:2 qui ingreditur sine macula et operatur iustitiam 14:3 qui loquitur veritatem in corde suo qui non egit dolum in lingua sua nec fecit proximo suo malum et obprobrium non accepit adversus proximos suos 14:4 ad nihilum deductus est in conspectu eius malignus timentes autem Dominum glorificat qui iurat proximo suo et non decipit 14:5 qui pecuniam suam non dedit ad usuram et munera super innocentes non accepit qui facit haec non movebitur in aeternum Antifon (Ps. 15:9) Caro mea requiescet in spe. Ps. 15 Conserva me conserva me Domine quoniam in te speravi 15:2 dixi Domino Dominus meus es tu quoniam bonorum meorum non eges 15:3 sanctis qui sunt in terra eius mirificavit *mihi; omnes voluntates meas in eis 15:4 multiplicatae sunt infirmitates eorum postea adceleraverunt non congregabo conventicula eorum de sanguinibus nec memor ero nominum eorum per labia mea 15:5 Dominus pars hereditatis meae et calicis mei tu es qui restitues hereditatem meam mihi 15:6 funes ceciderunt mihi in praeclaris etenim hereditas mea praeclara est mihi 15:7 benedicam Domino qui tribuit mihi intellectum insuper et usque ad noctem increpaverunt me renes mei 15:8 providebam Dominum in conspectu meo semper quoniam a dextris est mihi ne commovear 15:9 propter hoc laetatum est cor meum et exultavit lingua mea insuper et caro mea requiescet in spe 15:10 quoniam non derelinques animam meam in inferno non dabis sanctum tuum videre corruptionem notas mihi fecisti vias vitae adimplebis me laetitia cum vultu tuo delectatio in dextera tua usque in finem Versikel (Ps. 37:22) Ne derelinquas me, Domine Deus meus. (R. Ne discesseris a me) Versikel (Ps. 4:9) In pace in idipsum. R. Dormiam et requiescam. Resp. Sepulto Domino, signatum est nomen tuum, volventes lapidem ad ostium monumenti, ponentes milites qui custodirent illud. V. Ne forte veniant discipuli ejus et furentur eum, et dicant plebi: Surrexit a mortuis. - Ponentes... Resp. Hierusalem luge et excute (sic?, = exue?) te vestibus jucunditatis; induere cinere cum cilicio, quia in te est occisus Salvator Israel. V. Montes Gelboe, nec ros nec pluvia super vos descendat. - Quia. Resp. Plange quasi virgo, plebs mea. Ululate, pastores, in cinere et cilicio; quia veniet dies Domini, magna et amara valde. V. Ululate, pastores, et clamate; aspergite vos cinere. - Quia. IN II NOCTURNO Antifon (Ps. 23:7/9) Elevamini, portae aeternales, et introivit Rex gloriae. Psalm 23 Domini est terra Domini est terra et plenitudo eius orbis terrarum et %universi; qui habitant in eo 23:2 *quia; ipse super maria fundavit eum et super flumina praeparavit eum 23:3 quis ascendit in montem Domini aut quis stabit in loco sancto eius 23:4 innocens manibus et mundo corde qui non accepit in vano animam suam nec iuravit in dolo proximo suo 23:5 hic accipiet benedictionem a Domino et misericordiam a Deo salvatore suo 23:6 haec est generatio quaerentium eum quaerentium faciem Dei Iacob diapsalma 23:7 adtollite portas principes vestras et elevamini portae aeternales et introibit rex gloriae 23:8 quis est iste rex gloriae Dominus fortis et potens Dominus potens in proelio 23:9 adtollite portas principes vestras et elevamini portae aeternales et introibit rex gloriae 23:10 quis est iste rex gloriae Dominus virtutum ipse est rex gloriae diapsalma Antifon (Ps. 26:13) Credo videre bona Domini in terra. Psalm 26 Dominus inluminatio Dominus inluminatio mea et salus mea quem timebo Dominus protector vitae meae a quo trepidabo 26:2 dum adpropiant super me nocentes ut edant carnes meas qui tribulant me et inimici mei ipsi infirmati sunt et ceciderunt 26:3 si consistant adversus me castra non timebit cor meum si exsurgat adversus me proelium in hoc ego sperabo 26:4 unam petii a Domino hanc requiram ut inhabitem in domo Domini omnes dies vitae meae ut videam voluntatem Domini et visitem templum eius 26:5 quoniam abscondit me in tabernaculo in die malorum protexit me in abscondito tabernaculi sui 26:6 in petra exaltavit me et nunc exaltavit caput meum super inimicos meos circuivi et immolavi in tabernaculo eius hostiam vociferationis cantabo et psalmum dicam Domino 26:7 exaudi Domine vocem meam qua clamavi miserere mei et exaudi me 26:8 tibi dixit cor meum exquisivit facies mea faciem tuam Domine requiram 26:9 ne avertas faciem tuam a me ne declines in ira a servo tuo adiutor meus esto ne derelinquas me neque dispicias me Deus salvator meus 26:10 quoniam pater meus et mater mea dereliquerunt me Dominus autem adsumpsit me 26:11 legem pone mihi Domine in via tua et dirige me in semita recta propter inimicos meos 26:12 ne tradideris me in animas tribulantium me quoniam insurrexerunt in me testes iniqui et mentita est iniquitas sibi 26:13 credo videre bona Domini in terra viventium 26:14 expecta Dominum viriliter age et confortetur cor tuum et sustine Dominum Antifon Domine, abstraxisti ab inferis animam meam. Psalm 29 Exaltabo te 29:2 exaltabo te Domine quoniam suscepisti me nec delectasti inimicos meos super me 29:3 Domine Deus meus clamavi ad te et sanasti me 29:4 Domine eduxisti ab inferno animam meam salvasti me a descendentibus in lacum 29:5 psallite Domino sancti eius et confitemini memoriae sanctitatis eius 29:6 quoniam ira in indignatione eius et vita in voluntate eius ad vesperum demorabitur fletus et ad matutinum laetitia 29:7 ego autem dixi in abundantia mea non movebor in aeternum 29:8 Domine in voluntate tua praestitisti decori meo virtutem avertisti faciem tuam et factus sum conturbatus 29:9 ad te Domine clamabo et ad Deum meum deprecabor 29:10 quae utilitas in sanguine meo dum descendo in corruptionem numquid confitebitur tibi pulvis aut adnuntiabit veritatem tuam 29:11 audivit Dominus et misertus est mei Dominus factus est adiutor meus 29:12 convertisti planctum meum in gaudium mihi conscidisti saccum meum et circumdedisti me laetitia 29:13 ut cantet tibi gloria mea et non conpungar Domine Deus meus in aeternum confitebor tibi Versikel (Ps. 40:11) Tu autem, Domine, miserere mei. R. Et resuscita me, et retribuam eis. Resp. Recessit Pastor noster, fons aquae vivae, ad cujus transitum sol obscuratus est; nam et illa captus est, qui captivum tenebat primum hominem; hodie portas mortis et seras pariter Salvator noster disrupit. V. Ante cujus conspectum mors fugit, ad cujus vocem mortui resurgunt; videntes autem eum, portae mortis confractae sunt. - Hodie. Resp. O vos omnes qui transitis per viam, attendite et videte si est dolor similis sicut dolor meus. V. Attendite, universi populi, et videte dolorem meum. - Si est. Resp. Ecce quomodo moritur Justus, et nemo percipit corde; et viri justi tolluntur, et nemo considerat; a facie iniquitatis ablatus est Justus, et erit in pace memoria ejus. V. In pace factus est locus ejus, et in Sion habitatio ejus. - Et erit. (Jes 53:7-8; Apg 8:32-33 m fl) IN III NOCTURNO Antifon (Ps. 53:6) Deus adjuvat me, et Dominus susceptor est anima meae. Psalm 53 Deus in nomine tuo 53:3 Deus in nomine tuo salvum me fac et in virtute tua iudica me 53:4 Deus exaudi orationem meam auribus percipe verba oris mei 53:5 quoniam alieni insurrexerunt adversum me et fortes quaesierunt animam meam non proposuerunt Deum ante conspectum suum diapsalma 53:6 ecce enim Deus adiuvat me Dominus susceptor animae meae 53:7 avertet mala inimicis meis in veritate tua disperde illos 53:8 voluntarie sacrificabo tibi confitebor nomini tuo Domine quoniam bonum 53:9 quoniam ex omni tribulatione eripuisti me et super inimicos meos despexit oculus meus Antifon (Ps. 75:3) In pace factus est locus ejus, et in Sion habitatio ejus. Psalm 75 Notus in Judea Deus 75:2 notus in Iudaea Deus in Israhel magnum nomen eius 75:3 et factus est in pace locus eius et habitatio eius in Sion 75:4 ibi confregit potentias arcuum scutum et gladium et bellum diapsalma 75:5 inluminas tu mirabiliter de montibus aeternis 75:6 turbati sunt omnes insipientes corde dormierunt somnum suum et nihil invenerunt omnes viri divitiarum manibus suis 75:7 ab increpatione tua Deus Iacob dormitaverunt qui ascenderunt equos 75:8 tu terribilis es et quis resistet tibi ex tunc ira tua 75:9 de caelo auditum fecisti iudicium terra timuit et quievit 75:10 cum exsurgeret in iudicium Deus ut salvos faceret omnes mansuetos terrae diapsalma 75:11 quoniam cogitatio hominis confitebitur tibi et reliquiae cogitationis diem festum agent tibi 75:12 vovete et reddite Domino Deo vestro omnes qui in circuitu eius adferent munera terribili 75:13 et ei qui aufert spiritus principum terribili apud reges terrae Antifon (Ps 87:5b, 6a) Factus sum sicut homo sine adjutorio, inter mortuos liber. Psalm 87 Domine Deus salutis 87:2 Domine Deus salutis meae die clamavi et nocte coram te 87:3 intret in conspectu tuo oratio mea inclina aurem tuam ad precem meam 87:4 quia repleta est malis anima mea et vita mea in inferno adpropinquavit 87:5 aestimatus sum cum descendentibus in lacum factus sum sicut homo sine adiutorio 87:6 inter mortuos liber sicut vulnerati dormientes in sepulchris quorum non es memor amplius et ipsi de manu tua repulsi sunt 87:7 posuerunt me in lacu inferiori in tenebrosis et in umbra mortis 87:8 super me confirmatus est furor tuus et omnes fluctus tuos induxisti super me diapsalma 87:9 longe fecisti notos meos a me posuerunt me abominationem sibi traditus sum et non egrediebar 87:10 oculi mei languerunt prae inopia clamavi ad te Domine tota die expandi ad te manus meas 87:11 numquid mortuis facies mirabilia aut medici suscitabunt et confitebuntur tibi diapsalma 87:12 numquid narrabit aliquis in sepulchro misericordiam tuam et veritatem tuam in perditione 87:13 numquid cognoscentur in tenebris mirabilia tua et iustitia tua in terra oblivionis 87:14 et ego ad te Domine clamavi et mane oratio mea praeveniet te 87:15 ut quid Domine repellis orationem meam avertis faciem tuam a me 87:16 pauper sum ego et in laboribus a iuventute mea exaltatus autem humiliatus sum et conturbatus 87:17 in me transierunt irae tuae et terrores tui conturbaverunt me 87:18 circuierunt me sicut aqua tota die circumdederunt me simul 87:19 elongasti a me amicum et proximum et notos meos a miseria Versikel (Ps 143:3b) Collocavit me in obscuro R. Sicut mortuos saeculi Resp. Aestimatus sum cum descen Resp. Agnus Dei Christus immola Resp. Domine post passionem tuam Resp. Scindite vestimenta vestra et Resp. Sicut ovis ad occisionem duc ANTIPHONAS IN MATUTINIS (Laudes) Antifon (Hos. 13:14) O mors ero mors tua morsus Psalm 50 Miserere mei 50:3 miserere mei Deus secundum %magnam; misericordiam tuam %et; secundum multitudinem miserationum tuarum dele iniquitatem meam 50:4 amplius lava me ab iniquitate mea et a peccato meo munda me 50:5 quoniam iniquitatem meam ego cognosco et peccatum meum contra me est semper 50:6 tibi soli peccavi et malum coram te feci ut iustificeris in sermonibus tuis et vincas cum iudicaris 50:7 ecce enim in iniquitatibus conceptus sum et in peccatis concepit me mater mea 50:8 ecce enim veritatem dilexisti incerta et occulta sapientiae tuae manifestasti mihi 50:9 asparges me hysopo et mundabor lavabis me et super nivem dealbabor 50:10 auditui meo dabis gaudium et laetitiam exultabunt ossa humiliata 50:11 averte faciem tuam a peccatis meis et omnes iniquitates meas dele 50:12 cor mundum crea in me Deus et spiritum rectum innova in visceribus meis 50:13 ne proicias me a facie tua et spiritum sanctum tuum ne auferas a me 50:14 redde mihi laetitiam salutaris tui et spiritu principali confirma me 50:15 docebo iniquos vias tuas et impii ad te convertentur 50:16 libera me de sanguinibus Deus Deus salutis meae exultabit lingua mea iustitiam tuam 50:17 Domine labia mea aperies et os meum adnuntiabit laudem tuam 50:18 quoniam si voluisses sacrificium dedissem utique holocaustis non delectaberis 50:19 sacrificium Deo spiritus contribulatus cor contritum et humiliatum Deus non spernet 50:20 benigne fac Domine in bona voluntate tua Sion et aedificentur muri Hierusalem 50:21 tunc acceptabis sacrificium iustitiae oblationes et holocausta tunc inponent super altare tuum vitulos Ant. Plangent eum quasi unigeni Ps. Judica me Deus Ant. Attendite universi populi et Ps. Deus Deus meus Ant. A porta inferi erue Domine Ps. Ego dixi in dimido Ant. O vos omnes qui transitis per Ps. Laudate Dominum de celis IN EVANGELIO Ant. Mulieres sedentes ad monu Ant. Sepulto domino signatum est Ant. Ululate pastores et clamate Ant. Videbunt in quem transfixe Ant. Joseph ab Arimathia petiit cor Vers. Christus factus ANTIPHONAS AD VESPEROS DE EVANGELIO SABBATO SANCTO Ant. Vespere autem sabbati quae Ant. Et ecce terraemotus factus est Ant. Angelus enim Domini descen Ant. Erat autem conspectus ejus sicut Ant. Prae timore autem ejus exter Ant. Respondens autem angelus di Ant. Scio quod Jhesum quaeritis Ant. Jhesum quem quaeris non est Ant. Venite et videte locum ubi po Ant. Cito euntes dicite discipulis ANTIPHONAS CUM RESPONSORIA DE VIGILIA SANCTISSIMAE PASCHAE Ad Inv Ant. Alleluia alleluia alleluia. Psalm 94 Praeoccupemus faciem Domini 94:1 venite exultemus Domino iubilemus Deo salutari nostro 94:2 praeoccupemus faciem eius in confessione et in psalmis iubilemus ei 94:3 quoniam Deus magnus Dominus et rex magnus super omnes deos 94:4 quia in manu eius fines terrae et altitudines montium ipsius sunt 94:5 quoniam ipsius est mare et ipse fecit illud et siccam manus eius formaverunt 94:6 venite adoremus et procidamus et ploremus ante Dominum qui fecit nos 94:7 quia ipse est Deus noster et nos populus pascuae eius et oves manus eius 94:8 hodie si vocem eius audieritis nolite obdurare corda vestra 94:9 sicut in inritatione secundum diem temptationis in deserto ubi temptaverunt me patres vestri probaverunt *me; et viderunt opera mea 94:10 quadraginta annis offensus fui generationi illi et dixi semper errant corde 94:11 et isti non cognoverunt vias meas ut iuravi in ira mea si intrabunt in requiem meam AD NOCTURNUM Ant. Ego sum qui sum et consilium Psalm 1 Beatus vir 1:1 beatus vir qui non abiit in consilio impiorum et in via peccatorum non stetit et in cathedra pestilentiae non sedit 1:2 sed in lege Domini voluntas eius et in lege eius meditabitur die ac nocte 1:3 et erit tamquam lignum quod plantatum est secus decursus aquarum quod fructum suum dabit in tempore suo et folium eius non defluet et omnia quaecumque faciet prosperabuntur 1:4 non sic impii non sic; sed tamquam pulvis quem proicit ventus a facie terrae; 1:5 ideo non resurgent impii in iudicio neque peccatores in consilio iustorum 1:6 quoniam novit Dominus viam iustorum et iter impiorum peribit Ant. Postulavi Patrem meum alle Psalm 2 Quare fremuerunt 2:1 quare fremuerunt gentes et populi meditati sunt inania 2:2 adstiterunt reges terrae et principes convenerunt in unum adversus Dominum et adversus christum eius diapsalma 2:3 disrumpamus vincula eorum et proiciamus a nobis iugum ipsorum 2:4 qui habitat in caelis inridebit eos et Dominus subsannabit eos 2:5 tunc loquetur ad eos in ira sua et in furore suo conturbabit eos 2:6 ego autem constitutus sum rex ab eo super Sion montem sanctum eius praedicans praeceptum eius 2:7 Dominus dixit ad me filius meus es tu ego hodie genui te 2:8 postula a me et dabo tibi gentes hereditatem tuam et possessionem tuam terminos terrae 2:9 reges eos in virga ferrea tamquam vas figuli confringes eos 2:10 et nunc reges intellegite erudimini qui iudicatis terram 2:11 servite Domino in timore et exultate ei in tremore 2:12 adprehendite disciplinam nequando irascatur Dominus et pereatis de via iusta 2:13 cum exarserit in brevi ira eius beati omnes qui confidunt in eo Ant. Ego dormivi et somnum coepi (Psalm 3 3:2 Domine quid multiplicati sunt qui tribulant me multi insurgunt adversum me 3:3 multi dicunt animae meae non est salus ipsi in Deo eius; diapsalma 3:4 tu autem Domine susceptor meus es gloria mea et exaltans caput meum 3:5 voce mea ad Dominum clamavi et exaudivit me de monte sancto suo diapsalma 3:6 ego dormivi et soporatus sum exsurrexi quia Dominus suscipiet me 3:7 non timebo milia populi circumdantis me exsurge Domine salvum me fac Deus meus 3:8 quoniam tu percussisti omnes adversantes mihi sine causa dentes peccatorum contrivisti 3:9 Domini est salus et super populum tuum benedictio tua) Vers. Surrexit Dominus RESPONSORIA Resp. Angelus Domini descendit de Resp. Angelus Domini locutus est Resp. Dum transisset sabbatum Ma Resp. Super lapidem monumenti ANTIPHONAS IN MATUTINIS LAUDIBUS (Laudes) Ant. Et valde mane una sabbato Ant. Et dicebant ad invicem quis Ant. Et respicientes viderunt revo Ant. Nolite expavescere Jhesum Na Ant. Praecedam vos in Galileam ibi Ant. Cito euntes dicite discipulis Ant. Post passionem Domini factus Ant. Venerunt ad monumentum VERSI DECLINATORII Vers. Oportebat pati Christum Vers. Ecce ego vobiscum sum Vers. Dicite in nationibus Vers. In resurrectione tua Christe Vers. Jubilate Domini omnis Vers. Gavisi sunt discipuli Vers. Quem quaeris mulier Vers. Surrexit Dominus de Vers. Cognoverunt Dominum Vers. Cantate Domino Vers. Tulerunt Dominum meum Vers. Resurrexit Dominus Vers. Surrexit Dominus vere Vers. Noli flere Maria Vers. Omnis terra adoret te Deus INCIPIT ORDO AD VESPEROS (Conveniente scola temperius cum episcopis et diaconis in ecclesiam majorem ad locum crucifixi incipiunt) Kyrie eleison. (Et veniunt usque ad altare et ascendentibus diaconibus in pogium episcopi et presbyteri statuantur in locis suis et scola ante altare. Finita vero Kyrieleison annuat archidiaconus primus scole et ille inclinans se incipiat) Alleluia (cum psalmo) Dixit Dominus Domino meo. (Post hunc annuat secundo vel alii cui voluerit. Sed et omnibus incipientibus hoc modo precipiat. Dicatur iterum) Alleluia (cum psalmo) Confitebor tibi. (Sequatur post hunc primus scole cum paraphonistis infantibus) Alleluia (et respondeant paraphoniste. Sequantur subdiaconi cum infantibus) Alleluia. Dominus regnavit decorem (et semper respondent paraphoniste et annuent verba infantibus.) V. Parata sedes tua. V. Elevaverunt flumina (Post hos versus salutet primus scole archidiaconum et illo annuente incipiat) Alleluia (cum melodiis infantibus. Qua expleta respondeant paraphoniste primam et finitur. Post hanc incipiat tertius) Alleluia (cum psalmo) Beatus vir. (Hunc sequitur) Pascha nostrum V. Epulemur. (Hac expleta oratione quo supra incipiat archidiaconus.) Ant. Scio quod Jhesum quaeritis crucifixum surrexit alleluia. Ant. Jhesum quaeris non est hic sed surrexit recordare qualiter locutus sit vobis dum adhuc in Galilea esset alleluia. (Post hoc det sacerdos orationem et descendant ad fontes cum antiphona) Ant. In die resurrectionis meae dicit Dominus alleluia congregabo gentes et colligam regna et effundam super vos aquam mundam alleluia. (Quam ut finierint dicit primus scole) Alleluia (cum psallmo (sic)) Laudate pueri Dominum. (Sequitur) Alleluia (in greco) O Chyrius dynamin eupraephion inaedypsocon inedypsothon o Chyrius dynamin ze pheliensozothon. (Finito ordine quo supra postea sequitur diaconus secundus in Evangelio) Ant. Venite et videte locum ubi positus erat Dominus alleluia. (Deinde dicit sacerdos orationem et tunc vadunt ad sanctum Johannem ad Vestem canentes) Ant. Lapidem quem reprobaverunt aedificantes alleluia hic factus est in caput anguli a Domino factum est et est mirabile in oculis nostris alleluia alleluia. (Deinde) Alleluia (cum psalmo) In exitu Israhel. (Deinde primus scole dicit cum pueris) Alleluia. Venite exultemus Domino. V. I. Praeoccupemus. V. II. Hodie si vocem Domini. (Post hanc sequitur diaconus) Ant. Cito euntes dicite discipulis quia surrexit Dominus alleluia alleluia. (Deinde oret semper sine Kyrieleison. Et tunc vadunt ad sanctum Andream ad crucem canentes) Ant. Vidi aquam egredientem de templo a latere dextro alleluia et omnes ad quos pervenit aqua ista salvi facti sunt alleluia alleluia. (Post hoc dicant) Alleluia. Dilexi quoniam exaudiet Dominus. (Quo finito primus scole incipit) Alleluia. Venite exultemus (ut supra.) Ant. Cito euntes dicite discipulis. (Deinde oratio. Deinde descendunt primates ecclesie ad accubitu invitante notario vicedomni et bibant ter de greco vino de pactissi et de procamu. Potquam biberint omnes presbyteri et omnes diaconi seu subdiaconi vel omnes accoliti per singulos titulos redeunt ad faciendum vesperos et bibant de dato presbyteri. Haec ratio per totam ebdomadam servabitur usque in dominica in albis.)